黃智雯以身犯險 尼泊爾阻截人販

藝人黃智雯與劉佩玥昨日出席慈善活動，智雯上月到尼泊爾探訪，參與邊境截查可疑人物以阻截販賣人口的經過，當日由兩名女職員做前線，她做後勤：「都驚險，因為唔知邊個係可疑人，對方可能有武器，佢哋係冒住生命危險去做。」此行她接觸到一名貧困的6歲女童，後來決定助養對方。她又到訪當地一間中學，大讚學生表演欲強，更互相交流舞技：「佢哋畀舞衣我着，估唔到舞衣咁性感，全部露腰，最後我揀咗戴頭飾。」劉佩玥亦有助養兒童，但未有機會跟「仔女」見面。