吳若希買新車 任老公載女同事

歌手張馳豪（Aska）最近開設網上節目《Aska馳房》，頭炮請來吳若希（Jinny）擔任嘉賓，期間Aska重提對方早前因老公車女同事返工而鬧交一事，Jinny寸爆表示送了一個「最佳好老闆」獎座給老公，她說：「佢既然覺得呢件事咁啱，我更加要畀一個好大嘅獎勵佢，畀佢記住做呢樣嘢係啱，希望全世界都稱讚佢。」又表示絕對支持老公車女同事返工：「我幫佢買咗架7人車，到時佢鍾意車幾多個女同事都冇問題，我真係絕世好老婆，支持老公車女同事返工可以去到幾盡，就係買一架新車畀佢。」Aska聞言即飲酒定驚。