自責做得唔好 王君馨崩潰失眠

歌手王君馨前晚演出商場音樂會，當天生日的父親偕王母捧場，外籍老公更在台下𥄫實，打扮性感的她勁舞連場，波濤洶湧非常養眼！她在台上透露，去年有焦慮及抑鬱症狀，故推出歌曲《Get Down》，寓意叫心中的魔鬼「收聲」。談到日前疑工作壓力爆煲，在網上講到眼濕濕，她解釋：「其實做完演唱會後，已經聽到好多話自己冇嘢做嘅聲音，要睇心理輔導，但只係焦慮多過抑鬱，唔使食藥，但呢次出歌前一日，又聽到話自己做得唔好嘅聲音，搞到我失眠，可能畀咗太大壓力自己，不過依家冇事。」並強調一定不會做傻事。