Candy首入場睇恐怖片 驚畀自己嚇親

COLLAR成員Candy在港產殭屍片《邪Mall》中，與演員姜皓文扮演父女，首次拍戲的她同時獻出另一個「第一次」，她說：「我第一次入戲院睇恐怖片，雖然唔係傳統鬼片，但入戲院睇，所有感官嘅感受都會放大咗，加埋後期製作，所有畫面更真實，所以有啲緊張，希望唔會畀自己嚇親，哈哈！」對於電影於萬聖節上映，姜皓文覺得好應節：「套戲唔單止有殭屍出現，過程非常緊張刺激，我就比較喜歡同Candy嘅父女情。」