張家輝睇得肉緊 想參戰《中年好聲音》

家輝表示：「我覺得呢個節目好成功，畀咗中年人一個機會，後面嘅故事好感性，呢個係節目嘅元素，亦因為呢啲元素，令到節目好睇咗，都係幾正面。」問到會否考慮上節目做評判？他爽快回應：「我直頭想參加（比賽），唓！有冇搞錯，點解唔搞個《中年藝人好聲音》？不過講真唔敢呀，我一生可能有幾首歌唱得幾好，但要晉級同唱幾十首，覺得好難呀！」

曾經簽約英皇成為旗下歌手的家輝，當年在樂壇橫掃各大平台的新人獎，風頭一時無倆！為了呼應今次訪問，有關方面更剪輯了他當年於綜藝節目《回到未紅時》中對着太太關詠荷高歌《真情流露》，搞到對方淚崩，場面感人。