為操腹肌忍口 周吉佩呻辛苦

無綫節目《中年好聲音》冠軍周吉佩（吉吉）及歌手譚輝智日前為美食墟活動擔任嘉賓。最近為演唱會積極備戰的吉吉，每日忙於操肌鍛煉，他表示最難是要忍口：「好似今次入墟唱歌，不斷聞到啲嘢食好香，真係好辛苦。其實依家我食得好清，日日雞胸同菜咋！（想變大隻佬？）想成個人Firm啲，其實2019年為樂隊演唱會我都操過一次，不過近日有好多粉絲留言話想睇6舊腹肌嘅我，所以壓力好大。（依家有幾多腹肌？）有幾舊……水囉，盡力啦！」