朱智賢碌地出醜 找男友晦氣

藝人朱智賢（朱朱）與男友謝東閔先後離巢無綫，不時「夾計」拍片上載至互聯網。朱朱日前又「發功」，片中見她站在正在充電的座駕車尾，在鏡頭外的謝東閔說：「喂，壞咗，掹唔到喎！」朱朱即一臉不耐煩：「成日都冇鬼用，小小嘢都做唔到！」繼而用腳撐着車身借力，雙手出力拔出充電槍，卻失平衡整個人跌倒地上，謝東閔隨即大笑，朱朱就嬲到彈起身，衝向鏡頭「還拖」！其好友林子善抵死留言：「唔好信呢個男人講嘢，佢次次都話掹唔到㗎。」