江若琳與歌迷敍舊 重拾感動

藝人江若琳近年專注家庭，但隨着囝囝準備報名入讀幼兒班，她逐漸騰出時間復工。近日她除推出新歌外，又與粉絲聚會，提前慶祝月底37歲生日。事後，她於社交平台發文感激粉絲的陪伴：「今日我同好多好多年冇見嘅fans gathering。好有心大家幫我搞生日會......記憶中嘅你哋都好細個，有啲係小朋友，有好多着住校服......我今日一去到場地真係感動到呢，見番好多好熟悉嘅面孔，好奇妙！今日有個3歲小朋友拎住我同佢媽媽嘅合照同我講，呢個係你呢個係媽媽，我覺得好震撼。」