三上悠亞聞婚訊嘆可惜 Tyson Yoshi：依家先講？

歌手Tyson Yoshi（TY）前晚於中環海濱為港鐵45周年《Chill Fun鐵路樂園》擔任表演嘉賓，他透露正努力創作廣東新歌，問到是否見到曾出演其單曲MV女主角的三上悠亞來港而靈感大發？他即尷尬嘗試將話題拉開。談及對方早前來港想起他，並立即追蹤其社交網，又在知道他要結婚時感到可惜，對此TY笑謂：「依家先講有乜用呀？（應該拍MV時就講？）係囉！（你同女友行咗咁耐都唔揀佢啦！）又啱！不過有啲嘢早啲知開心啲嘛。（女友聽到有乜反應？）冇喎，都結婚啦，哈哈！」還透露近期正努力籌備婚禮，預計在外國行禮需要花費7位數以上。