時隔一年再出新歌 王君馨自愧不及韓星 壓力爆煲

君馨表示日前看了一個自己很喜歡的韓國女歌手推出的新MV，腦裏湧現不少畫面，更忍不住將自己與對方作比較：「你睇人哋Budget幾多？喺巴黎拍，你睇人哋幾多Dancers？睇吓你，喺度做緊乜？」她表示這些年很努力做自己的歌，而上首歌已是去年5月份推出，她說：「每一隻歌都好努力去做，一年先出一首歌，依家係咪冇大公司出唔到歌呀？冇人哋咁多Budget係咪就唔好睇？依家先出歌係因為上年年底發生咗好多情緒、精神問題，處理咗好多嘢，但不同嘅聲音炸爆我個腦，可能我真係顧慮太多，魔鬼好鍾意打擊我哋嘅價值、心同個腦，點樣同人哋韓國歌手比呢？比乜嘢啫？我只可以做嘅係一步一步向前行。」又寄語大家感到焦慮時不要放棄，雖然她說出這番說話時，狀態甚是沮喪，但她亦不忘提醒自己振作。

不少圈中好友都留言鼓勵她，當中包括楊茜堯、袁偉豪、胡杏兒和蔡思貝等，當中楊茜堯留言：「Never compare，你已經做得很好，keep going」，袁偉豪亦送上安慰：「盡了自己能力範圍就OK」，馮允謙則大力支持她：「U got this Grace！」而君馨的新歌MV前晚上架，穿黑色背心的她勁歌熱舞，不論舞技還是造型都相當有睇頭，網民留言大讚：「So Cool」。