獨家訪問：拉隊賣萌谷新劇 陳豪沖咖啡吸客 北上插旗

視帝陳豪（阿Mo）、譚俊彥、龔嘉欣、張曦雯、姜大衞及監製羅永賢前日到北京宣傳無綫劇集《企業強人》，在戲院跟500名觀眾一齊觀看劇集及玩遊戲，眾人大跳手勢舞，陳豪更現場Solo一段，大賣萌爆表情，炒熱全場氣氛。身為咖啡店老闆的他，在另一活動上更即場手沖咖啡給大家品嘗。他接受本報訪問時，透露今次是首度跟觀眾一起在戲院睇劇，大感新鮮，問他會否考慮在內地開咖啡店？他坦言一直有此打算：「睇吓幾時有機會，因為係好大計劃，要一步步進行。」

至於譚俊彥對線下觀賞會大感難忘：「喺戲院做觀賞會，可以近距離同觀眾接觸，大家反應都好好，觀眾仲可以睇到阿Mo跳舞添！做完活動，公司安排我哋去食羊肉火鍋同燒烤，真係好好食。」由於昨日是太太的生日，譚俊彥完成宣傳後，便第一時間乘機返港跟太太食飯慶祝，認真廿四孝老公。

另外，龔嘉欣稱今次三日兩夜的行程非常充實，除了宣傳外，他們還品嘗了當地美食，包括涮羊肉、驢打滾、炸醬麵和餃子等，大飽口福。談及此行最深刻的印象，她笑說：「係阿Mo輸咗遊戲，要跳舞懲罰，結果我哋全部人陪佢跳。」