邵初難忘葉蒨文讚「好靚」

新一屆香港小姐競選已圓滿結束，早前以師姐身份帶領參選佳麗到新加坡拍外景的邵初，在社交網以「回憶着以前，期待着未來」為題分享感受，寫道：「同芷珊姐姐、美儀姐行紅地氈係我嘅榮幸，師妹們你哋真係好靚好叻，每一個都係我心目中嘅冠軍，希望你哋繼續發光發亮，great night with GREAT people，每一位女士都係我景仰嘅學習目標！」她晒出多張決賽當晚的合照，包括與陳法蓉及表演嘉賓葉蒨文（Sally），並寫道：「天后Sally好nice好sweet，請佢合照嘅時候望住我話：嘩好靚，我畢生都會記得，雖然應該係講緊條裙。」