葉童起色心 恨篤黃德斌三角肌

藝人葉童、黃德斌昨日出席主演舞台劇《唔講得》發布會，德斌笑指知道有機會跟葉童合作時，連劇本也未看便答應演出。葉童則透露劇中二人飾演夫妻，為了拉近距離，曾想過與對方談論健身話題：「仲好想篤吓佢啲肌肉，但覺得好失禮所以冇講，哈哈！後來大家傾多咗偈，發現大家對電影、演出好有共鳴。」又笑指最想篤德斌的三角肌：「我覺得健身嘅人好有型，對身體嘅美同健康都有追求，自己年紀大肌肉鬆弛，所以想感受吓結實肌肉嘅感覺，哈哈！」二人現場合照時，葉童開口問德斌可否篤他的肌肉，德斌即怕醜閃開，場面搞笑。