陳詩欣聽從密諫 「猛烈水着」撒網

藝人陳詩欣雖然已為人妻，但樣靚身材正的她向來大方，不時在社交網派福利。日前她又分享水着照，更直言是老公提議她出Po：「老公話呢啲相唔Post留喺電話都冇意思，於是今日打算Post埋喺西班牙拍的猛烈照片。」見她以多款水着大騷事業線，身材冇得輸！其圈中好友鍾晴留言：「會否太猛烈？」身材同樣有睇頭的李芷晴則表示：「沒有最猛烈，只有更猛烈。」一唱一和。有網民笑指要多謝陳詩欣的老公，否則就沒有靚相睇，亦有人直言未夠喉！