謝安琪不捨囝囝留學

歌手謝安琪昨日出席腦退化活動，坦言最擔心有腦退化症狀的爸爸忘記服藥：「又驚佢扮唔記得，食甜嘢。」她笑指間中會在單據中發現爸爸光顧過茶餐廳，除了為食之外，還因為愛搭訕：「有時搭枱，佢會同茶客傾偈，傾得開心仲幫人埋單，試過幾次喺社交網收到人哋嘅多謝，話謝生幫佢埋咗張單，讚我爹哋好精靈、好健談。（知係你爸爸？）佢會同人哋講係謝安琪爹哋，仲問人似唔似，哈哈！」另外，謝安琪大仔正專心準備考大學，她未敢想像囝囝到外國升學的景象：「唔敢諗，驚唔捨得，佢係我最好嘅朋友。」