濫用糖尿病藥減肥 Lottie送院收場

英國超模姬摩絲（Kate Moss）的同父異母妹妹Lottie Moss，前日在個人網台節目《Dream On》中，自爆數月前曾嘗試用糖尿病藥物Ozempic減肥：「我唔會呃你哋，我絕對試過。幾個月前，我對體重唔係咁開心，有個朋友可以幫我喺醫生度攞到啲藥。」她透露當時為了減輕不適而在腿部注射藥物，直言是自己「做過最錯誤的決定」：「如果你哋諗住嘗試，千祈唔好，絕對唔值得。我以後情願死都唔會再嘗試。」Lottie表示注射藥物後非但未能減磅，更有反效果，令她嘔吐大作，足足病了兩星期，最後更要半夜緊急送院醫治。