李芷晴披嫁衣滿足公主夢

藝人李芷晴日前網晒多張靚相，包括婚紗照和鮮紅色旗袍造型，展示S形身材，網民讚「超爆靚，勁有質感」。她表示今次是與幾位攝影師和化妝師好友合作，挑戰不同造型，對效果滿意。問到是否有一顆恨嫁的心？她說：「又唔係嘅，我覺得每個女仔心入面都有個公主夢，加上晚裝特別靚，平時除咗大騷之外，冇乜機會可以着到，所以難得影相都想試多啲唔同造型。」講到拍拖，她認為時間和緣分好緊要，問到有否追求者？她說：「冇話追唔追嘅，咁當然有異性朋友，本身係好講feel嘅人，所以真係好隨緣，都係朋友式相處住先。」