鍾柔美衰太靚 MV捱剪

無綫「聲夢小花」鍾柔美（Yumi）早前為今屆港姐MV進行拍攝，日前她在社交網跟粉絲分享拍攝花絮，寫道：「當日有一瞬間以為自己拍緊啲咩廣告，其實係香港小姐MV入面其中一幕，不過好可惜冇咗，畀啲花絮大家睇吓。」片段中Yumi伏在鏡上，以手撥弄鏡面的水，產生漣漪效果，畫面優美。粉絲留言大讚鏡頭下的她十分漂亮：「靚到犯規」、「因為你靚到喧賓奪主，所以Cut咗」、「可惜Cut咗，怪你過分美麗」，更有粉絲留言叫她不如參選港姐：「你選港姐應該贏硬」、「冠軍有冇得投畀你」、「期待你下屆參選」。