劉俊謙 挑戰跳樓戲膽怯

藝人劉俊謙、董瑋、伍允龍主演的電影《武替道》尚未上畫，就先獲得各地電影節關注。劉俊謙於片中飾演年輕武師李世龍，不乏動作場面，其中還有於油麻地鬧市拍攝的槍戰戲，他直言極為欣賞當日武師團隊的效率：「電影預算所限，嗰朝基本上好短時間就完成一整場槍戰戲，一個上晝就拍咗超過100個鏡頭，自己從未試過喺咁短時間內完成。」而另一場跳樓戲亦令他印象深刻：「我本身冇畏高，但企上6樓拍攝都有啲怯，因為就算有威吔吊住，始終自己人生冇試過企喺大廈嘅邊緣，望住樓下咁高然後要跳落去。」