阿佘仗義Sing援 林峯畀足100分

藝人林峯早前到澳門開騷，前晚特意抽空返港出席活動。談到第二場演唱會邀請到佘詩曼（阿佘）做嘉賓，他笑言：「兄弟姊妹冇理由唔撐，之前聚會時叫佢哋Mark定期，嚟玩吓享受吓冇壓力。（但阿佘好大壓力？）識佢咁多年，都唔知上台唱歌對佢嚟講咁大衝擊，追佢決定唱邊首歌，臨最後先定到，不過好多謝佢。」林峯又表示雖然與阿佘唱過卡拉OK，但畢竟擔任演唱會嘉賓不同，加上對方很少此類經驗，對她來說比較新鮮。問到給阿佘的歌喉幾多分？他笑言：「超出100分，雖然佢緊張，但上到台就表現到出來。」又指老婆現身睇騷時，看到阿佘也會講笑說：「你女朋友。」皆因林峯與阿佘曾在劇集《使徒行者》中飾演情侶。