孖譚俊彥「商戰」 陳豪去盡求突破

視帝陳豪、譚俊彥、龔嘉欣與張曦雯等主演的無綫新劇《企業強人》，監製羅永賢透露劇情集合無綫3大經典商戰劇《大時代》、《馬場大亨》及《創世紀》的元素，當中陳豪的角色，便是《馬》劇中黃日華角色「李大有」的延續：「兩個角色最大相同之處係嗰種天馬行空、敢於突破嘅精神，佢哋都係會做啲人哋從來唔敢、唔想同唔肯做嘅嘢，例如為咗激勵士氣，陳豪角色可以去到好盡，又或者願意不斷轉換經營模式。」該劇首輪預告近日曝光，陳豪與譚俊彥施展渾身解數Chok到爆，在會議室大搖大擺進行最強對壘，畫面既具張力亦不失幽默。