關楚耀自認被虐狂

藝人關楚耀於無綫劇集《法證先鋒VI：倖存者的救贖》中，由上一季的「變態殺手」董應偉變身為「診所醫生」冼陽，跟蔡潔大搞曖昧。談到「董應偉」成功入屋，可擔心被定型當「變態專業戶」，他坦言：「都有諗過，但冇驚過，有啲人話見到我個樣都有啲驚，因為同我平時反差太大，但其實我鍾意做變態佬㗎，可能內心深處暗藏陰暗面，我係有少少被虐狂嘅。」他又坦言想嘗試演古惑仔角色，曾拍過一齣網劇扮古惑仔，可惜該網劇最終沒有上映，令他大感失望。他又指視演員為終身職業，覺得演技需要時間累積，有部分角色更需要較年長才拿捏得到，暫時自知未夠班當「男一」。