戴祖儀虹膜炎自抽：唔好偷睇人沖涼！

藝人戴祖儀近日分享戴住黑超躺在梳化睇漫畫書的照片，並附上一條片段，見她的右眼爆微絲血管，沒料此舉遭身邊朋友取笑，她寫道：「呢兩日被問得最多的就是『你偷睇邊個沖涼搞成咁』。」她表示向來注重雙眼，從來不會擦眼睛，沒料仍會有失守的一天，呼籲大家要好好保護雙眼，還自抽說：「唔好偷睇人沖涼啦！」而她在鼻上蓋上了一張紙巾：「係用嚟避免整花個妝，大家唔使擔心我個鼻，我冇同人打交呀！」還表示已向醫生求診，證實是虹膜炎，現時情況已有好轉，不少粉絲留言祝她早日康復，有網友卻抵死表示：「如果可以偷睇你沖涼……就算變成你依家咁……我OK。」