梁釗峰親自送粉絲返屋企

歌手梁釗峰日前與粉絲提早慶生，生日會上與粉絲玩講電話遊戲外，他還準備了3份回禮，他表示：「呢幾份大獎我都畀自己震撼到！」禮物包括釗峰的肌肉照原圖，他私約粉絲一同玩桌上遊戲的機會，而終極大獎是獲釗峰親自送回家，全場聞言尖叫，經理人即補充說：「車入面有其他同事喺度！」場面爆笑。釗峰笑說：「我好希望送佢哋一程，係一張好暖心嘅『返屋企券』，陪伴好緊要，車返屋企都幾Sweet。」生日會上，釗峰跳跳紮，精力充沛，其實他因忙於舞台劇排練及錄新歌，前一晚近天光才睡，但表示看到大家玩得投入已感滿足。