賓佬「新歡」原來是舊愛

美國男星賓艾佛力（Ben Affleck）早前被美國天后珍妮花露柏絲（Jennifer Lopez）申請離婚後，轉頭被爆嗒上政客小羅拔甘迺迪女兒Kathleen Kennedy，但原來這位Kathleen並非賓佬的「新歡」，據知情者透露，兩人曾短暫地陷入熱戀：「賓佬幾年前同珍妮花復合之前，曾經短暫同Kathleen拍過散拖……但女方當時太年輕，未準備好認真。佢哋婚姻中冇任何出軌，但對Kathleen啲朋友嚟講係好有趣，因為賓佬一離婚就同一個舊女友一齊。Kathleen係覺得賓佬好聰明，係佢口味，但因為唔想被視為小三而不願講咁多……賓佬同Kathleen都係見步行步，但到依家佢都鍾意同賓佬一齊。佢哋主要喺比華利山酒店約會，因為呢度可以為名人提供其他地方享受唔到嘅私隱。」