夾公仔有秘技 魏浚笙開班教學

藝人魏浚笙（Jeffrey）與歌手麗英前晚現身商場活動，Jeffrey表示近期忙於為電影進行訓練，現時已有4至6舊腹肌，又指即將推出合唱歌，但對於合作對象，就只透露對方是男生兼有頭髮。當晚，Jeffrey特意帶了在日本玩夾公仔機收穫的戰利品送給現場粉絲，還笑指自己有獨門秘方，將來可開班授徒。講到好友Edan傳跟馬來西亞女神林明禎撻着，Jeffrey坦言有留意報道：「都係照Edan所講，有進展再同大家講。（係咪你介紹佢哋識？）作為藝人，除咗合作，都會有朋友聚會，佢哋點認識我唔清楚。（啲朋友聚會你在場？）不必多講，新聞都過咗好耐，都告一段落。」