洪永城梁諾妍 夫妻零默契

藝人洪永城（Tony）與太太梁諾妍（Inez）最近拍片分享相識經過，Tony表示：「我點樣認識太太？係由跑步開始，我原本唔係好鍾意跑步，喺一個聚會見到佢，我就突然間愛上跑步，愛上咗佢。」Inez即篤爆老公：「我哋認識嘅時候，佢自拍好多跑步動態放上社交網。」Tony聞言笑說：「嗰啲相係我落街影完返上屋企。」他們又大玩默契考驗，不過7條問題全軍覆沒，Tony笑說：「我哋係好唔同嘅人，即係好互補。」