歐陽震華：觀眾會雞蛋挑骨頭！

歐陽震華作為《法證先鋒》系列的「先鋒」，亦有捧場睇新一輯，他撐劇集「一致好評」：「《法證》1、2、3集都好成功，可能觀眾入晒腦，好似周潤發做完許文強，如果再拍續集係好難，觀眾會雞蛋挑骨頭，我就覺得今集無論攝影、道具同服裝都好靚。（網民批評感情戲過多？）我嗰時都同蒙嘉慧有感情戲，但查案比例係會多啲，依家播咗幾集啫！遲啲可能會查案多番啲。」