昆頓狠批冇星味佐治爆粗還拖

荷里活兩大男神佐治古尼（George Clooney）與畢彼特（Brad Pitt）最近一同接受男士雜誌《GQ》訪問，宣傳新片《孤狼同謀》（WOLFS）。向來敢言的佐治於訪問中反擊導演昆頓塔倫天奴（Quentin Tarantino）的批評。

昆頓早前受訪時公開批評佐治沒有「星味」，佐治於訪問中爆粗回應：「昆頓最近講過有關我啲嘢，所以我有少少嬲佢。老友，死X開啦。我會令佢唔X好受。因為佢令我唔X好受在先。」除了昆頓外，佐治亦於訪問中批評曾與他在1999年合作過《奪金三王》（Three Kings）的另一導演大衞奧羅素（David O. Russell），他鬧爆對方是「可悲的X街」，令到他與同片的其他工作人員恍如置身地獄。