衛詩雅非「外貌協會」 啱傾最緊要

藝人衛詩雅（Michelle）前日現身電台接受訪問，主持人譚玉瑛透露在張敬軒的聖誕派對上，被其美貌吸引而主動結識，更爆她當時身邊有位靚仔男友，Michelle尷尬表示那是前度，又指現時未婚夫更靚仔。問到擇偶會否外貌行先？她說：「又唔係，要傾到偈，價值觀要相近，同埋一定要有嘢我好崇拜佢。」直言未婚夫正是其理想型，無論學術、藝術或心靈上都無所不曉，加上甚為理性，與感性的自己簡直絕配，又透露因未婚夫從事醫美，對保養皮膚有心得，為跟隨對方步伐，將於10月考美容及化妝品等美學證書。