愛女變「頂心杉」 朱茵鬥智鬥力

朱茵自認嚴母，她指11歲女兒剛踏入青春期，有時句句「頂到行」，作為父母要跟她鬥智鬥力，問到老公黃貫中是神隊友還是豬隊友？她坦言：「通常我諗到，佢話『啱呀啱呀』，就係神隊友；但當我諗唔到，佢好多時變豬隊友。（佢對女兒較寬鬆？）係，前世情人冇辦法。」至於膝下猶虛的潘燦良坦言，曾跟太太蘇玉華想過是否應該要小朋友，但已經過去，多想無益。