跳舞娛賓被翻Loop 馬國明不堪回首自嘲人生污點

視帝馬國明與藝人孔德賢昨日出席活動，談到奧運閉幕，身為「奧運之星」的孔德賢大感不捨，不過很開心能跟第一代前輩馬國明同場。

提到當年擔任「奧運六星」之一有跳舞演出，馬國明即笑指是人生污點：「睇番當時嘅片段都想死，因為當年有來自世界各地唔同嘅啦啦隊嚟參與活動，啲啦啦隊表演好精彩彈來彈去，但我哋只係喺演出之前排咗2個鐘，係咁意郁吓個身，我真係唔敢再睇。」他更奉勸孔德賢千萬不要像他在宣傳活動上跳舞。另外，問他是否已兌現承諾，跟太太湯洛雯一起去看北極光？他尷尬表示未有時間起行，更笑指有被太太溫柔地投訴過。

孔德賢獲讚識撈

至於有份在奧運節目中擔任主持的孔德賢，表示雖然要同時兼顧拍劇及主持工作，休息時間不足，但完全不覺得累：「就算開劇收工返到屋企都會睇（比賽），不如直接返錄影廠同大家一齊睇直播。」身旁的馬國明即大讚他：「佢未來20年會賺好多錢，哈哈！」