洪嘉豪初戰聲演 扮喊蒙混過關

歌手洪嘉豪前晚在沙田出席有份聲演的動畫首映禮，首次為動畫配音的他獲配音導演激讚表現好，他說：「今次係配新角色，導演誇獎喇，有啲都要靠後期幫助。」他坦言聲演過程遇上難題，例如遇上感動場口需要淚水，卻只能扮喊，問到平日是否很少流淚？他說：「對上嗰次係紅館演唱會，近排睇奧運都會眼濕濕，喺紅館喊因為有好多辛酸喺背後，運動員都係咁，嗰啲位會感動啲。」