安祖蓮娜養子受傷 怪罪畢彼特

美國女星安祖蓮娜祖莉（Angelina Jolie）的越南裔養子柏斯（Pax），上月尾於洛杉磯駕駛電動單車時意外頭部受傷，知情者透露：「安祖蓮娜知道柏斯冇戴頭盔時好震驚，但佢依家焦點係幫佢康復，然後盡力去保護其他子女。佢設咗好多新家規，唔理咁樣係咪過度保護，佢想子女更加小心。」安祖蓮娜又將意外責任推到前夫畢彼特（Brad Pitt）身上，指對方毀了這個家，才導致如今境地。知情者還表示畢佬為養子出事卻斷絕聯絡感到難過：「柏斯係100%企喺阿媽嗰邊，唔想收到畢彼特任何關心或憐憫。」