劉威煌講明開騷冇「肉」望

歌手劉威煌即將舉行音樂會，邀來好兄弟譚輝智及顏米羔任嘉賓，前晚眾人現身綵排，問到屆時會否騷肌？威煌笑言自己操練未夠多：「如果到時覺得熱就除衫，大家唔好咁貪心，最多着少啲衫，哈哈！」又透露會唱盡14首作品：「一首不漏，有啲歌甚至未喺台上唱過，例如《海賊戰隊》係特攝片嘅主題曲。（會扮海賊戰隊？）唔會啦，上次扮《龍珠》同《足球小將》已經去得好盡。」