工人玩失蹤 孫慧雪無奈認命

藝人孫慧雪昨日出席活動，談到日前於網上剖白工人姐姐失蹤，以往亦多次遇上類似麻煩事，她無奈苦笑表示：「我同老公都認命，今次呢個姐姐做咗5個月，覺得佢好錫BB添。我哋成家之前去咗美國旅行，仲借錢畀佢買機票返屋企放假，估唔到佢突然清空晒所有嘢玩失蹤，只係Send張相畀我另外一個（工人）姐姐話自己懷孕，原來張相根本係網上截圖，依家惟有去報案。」又直言之前曾被家傭偷錢，損失數萬，但因心軟沒有告發對方。