JW擴充飲品店密謀進軍外地

藝人王灝兒（JW）昨日現身屯門為第三間自己投資的飲品店主持簡單的開幕儀式，她表示希望繼續擴充分店，透露已經與馬來西亞和菲律賓等地的代理商洽談，又指現在回復單身，有更多時間投入工作：「我成日都唱歌同拍劇，但依家就試埋做其他生意，會學多啲嘢，我覺得到我依個年紀係應該要試多啲唔同嘅嘢。（會唔會覺得好攰要兼顧咁多工作？）唔會呀，我覺得好有趣，因為喺呢個過程真係學到好多嘢。」