馮允謙帶Baby上紅館

歌手馮允謙（Jay）將於10月再登紅館舉行演唱會，日前他以5個造型影海報，他透露今次是歷來最多樂手，甚至是去年紅館演出的兩倍人數。至於演唱會名字「the SOUNDTRACK of my LIFE」由他親自創作，他說：「因為回望番係一個Milestone（里程碑），人生就好似一套好長嘅電影，電影就一定有配樂，有時寫歌會諗到一啲片段觸動到我，勾起啲回憶，我會用呢啲片段寫成旋律。」Jay指每首歌也是他的Baby，故設計歌單很傷腦筋，問會否除衫騷肌？他說：「唔知會唔會除，但我一定會努力操Fit手臂，跳舞一定會，但未定跳幾多。」