獨家專訪：有去有來 循環不息 姚子羚留守娘家爭「后」座

無綫最近不斷有資深藝人離巢，當中包括姚子羚的好姊妹黃智雯、胡定欣等，她笑言自己都是「老人」，指有舊人離開，就會有新人加入，是正常現象：「我相信每間公司去到一個階段都有人走，同埋隨着年紀上嘅增長，需求嘅嘢都唔同，咁就會開始選擇走其他嘅路，舊人離開，新人入嚟係一個循環，冇停止過。」她自言在無綫仍有不錯的發展，加上合約未完，所以暫時未有離開的想法，現階段想先累積更高知名度。

現年43歲的她久未傳出戀情，問到會否隨着年紀增長，愈來愈心急找另一半？她坦言：「其實同年紀冇關係，唔代表你年輕嘅時候就唔需要人陪伴，不過唔同年齡，想搵嘅對象要求都唔同，依家嘅我最主要係想搵到一個同你心靈溝通得到，思想上同價值觀都相近嘅人。」又指結婚生小孩不是其人生清單的必做事項。