周吉佩為囡囡慶生 搵冼靖峰送驚喜

歌手周吉佩（吉吉）大女包包雖然只是小學生，但已有一顆少女心，更「情迷」冼靖峰（Archie）﹗近日吉吉為包包預祝生日，更安排Archie驚喜現身，包包眼見偶像出現，即說：「我要同Archie坐！」更掏出手機與偶像研究，全情投入「二人世界」。吉吉於社交平台開心Share相關照片及短片，並留言：「包姐終於同冼靖峰第一次見面嘞！包包好緊張，仲轉少女Tone同偶像傾偈（真係頂佢唔順）……再次多謝池仔送呢個生日驚喜畀包姐！唔知點解有種阿爸幫個女去約相睇嘅感覺！」Archie即回應：「包姐開心就好了！」