馬國明搵靚湯做白老鼠

視帝馬國明昨日出席活動時，三句不離愛妻湯洛雯（靚湯），指受太太影響愛上網購，又指做直播帶貨賣護膚品前，例必請太太試用。他大讚靚湯是全能藝人，可在家中自拍網上廣告片：「以前佢會叫經理人幫手拍片，但依家發展到自己都得，添咗好多靚器材，自己打燈、拍攝、再剪片、剪接加埋字幕。（一個人賺埋廣告費？）係呀，佢可以幫我拍埋廣告，仲可以養埋我。」不過補充指自己是傳統男人，一定負起養家重任。