VIVA抗韓流 跳到索氣

英皇女團VIVA日前在澳門出席音樂節，與韓國女團BLACK PINK的師妹BABYMONSTER，以及韓國天后BoA等同場，她們率先將原定月底推出的第2首新歌帶上舞台，又唱又跳：「真係喘晒氣，每一次跳呢首歌都係挑戰緊體能極限，喺韓國受訓時已經不斷操練，返到嚟香港都唔能夠生疏，要積極鍛煉。」談到首次表演新歌《DTR》，4位成員異口同聲表示好緊張：「冇諗過現場有咁多觀眾，不過一企上台，緊張嘅感覺突然變成興奮，想大家一齊Enjoy首歌嘅感覺。」還承諾日後會加倍努力回饋樂迷：「始終我哋出道只係兩個月，知道大家未係好認識我哋，但見到咁多朋友留言支持，真係好開心。」