AL圓夢水上飄 大髀反光搶Fo

男團MIRROR成員盧瀚霆（Anson Lo）近日推出新曲《Hey Hey OK!》，早前遠赴日本沖繩拍攝MV的他坦言MV滿足了他對夏日的所有期望，包括撐水上滑板、食雪糕及游水，又首次身穿短褲出鏡，白雪雪大髀終極曝光，他表示：「撐水上滑板係我嘅初體驗，鏡頭前睇落好似撐得好有型，其實鏡頭後都係我蝦碌，差啲反艇嘅畫面。」又自爆流汗是最大的挑戰：「好多粉絲都幫我起咗個花名叫『流汗霆』，因為我真係好大汗，今次補妝補咗好多次。」