朱晨麗打上癮 追趕楊紫瓊

藝人朱晨麗（朱朱）近日在無綫熱播劇《反黑英雄》有連場動作戲，獲網民大讚睇得又打得。朱朱受訪時感謝廣大觀眾支持，雖然以往也演過打女角色，但今次角色更立體，打得更甘：「次次都同啲好大隻同打得嘅人演對手，雖然套劇由夏天拍到冬天，但拍打戲時好熱，我仲要全部親身上陣冇留力，好在見到出嚟嘅效果好震撼，所以演到呢個角色好開心，好多謝監製。」問到日後可會向打女路線進發？她直言打上癮，並視奧斯卡影后楊紫瓊為學習對象：「楊紫瓊都係跳舞出身，拍打戲又好有名，希望可以朝住呢個方向去行，依家鍾意咗武打。」