泳兒 戶外騷無懼曬黑

歌手泳兒（Vincy）與師弟洪助昇（Aiden）、黃明德（Dark）及黎展峯（Andy）8月將在水上樂園進行戶外騷，皮膚白淨的Vincy不擔心熱和曬黑：「我出名怕凍，熱絕對唔驚，而且我係曬極都唔黑，加上今次係傍晚開show，好似話場地邊唱邊可以睇到日落，應該好好feel。」她笑言要帶定水槍上台跟觀眾「互動」：「水上樂園吖嘛，有支水槍喺身好合理。」提到戶外騷例必被歌迷嗌除衫，她將重任交給3位師弟，並自嘲說：「我冇本錢，梗係交畀啲小鮮肉啦！」不過，3人惜肉如金，Dark自言還是學生：「一睇就知我係『賣藝』啦。」而有做Gym的Andy笑謂不想搶鏡，Aiden則笑說：「除都冇話唔打底㗎！」