謝安琪素顏發光 被嘲似豬八戒

向來緊張靚樣的歌手謝安琪，近日做完Facial後，公開最真實容貌，見她皮膚零毛孔，容光煥發，但由於面頰閃到反光，竟被老公張繼聰取笑與電影《西遊．降魔篇》中的豬八戒撞樣，她寫道：「做完Facial消除疲勞心情好好，面仔素顏都閃出光輝好威威，一上到車，有一位家人尊稱我為：西遊豬剛鬣。我好開心真係好開心，我嘅素顏竟然可以令佢諗起艷光足以妖惑大眾嘅盛世美顏，可以話係最高嘅讚賞，多謝晒。」