ROVER對手變隊友 互爆鼻鼾勁

組合ROVER剛推出第2首新歌《回魂術》，4子表示有份參與編曲和作曲部分，又認同大家由當初參加《全民造星V》時的對手變成今天的隊友，感情深厚了不少：「一齊出Trip、一齊瞓、一齊拍嘢，知道大家嘅好嘢同唔好嘢。」王希晉大爆卓金樂鼻鼾強勁：「我聽過最震撼嘅鼻鼾聲，係怪獸級，你瞌埋眼就會覺得旁邊有隻恐龍瞓緊覺。」陳鎮亨即笑指雷濠權鼻鼾聲也很厲害，令他要戴上耳機才睡得到：「佢趁我沖涼嗰陣已經瞓着咗。」雷濠權則自爆會匿在浴室個多小時後才洗澡，因習慣先「辦公」兼滑手機享受Me time，故跟他同房一定要比他先洗澡，相當爆笑！