家事鬧上網

郭思琳、吳浩康

郭思琳去年在網上揞名鬧爆老公吳浩康，不肯跟一歲囝囝影全家福，令她要孭住個仔，右手拖篋，左手攞蛋糕再拖埋隻狗，狼狽不堪。吳浩康對老婆呻爆感無奈，但亦明白她照顧兒子辛苦。

楊洛婷、Tim

楊洛婷早年曾在社交網限時動態以英文留言，指控老公Dear Jane主音Tim不忠，雖然10幾分鐘即刪，但已引起網上熱議，其後Tim出來「撲火」，自言攬女兒瞓覺激親老婆，還大講I Love You，力證夫妻冇問題。

符曉薇、陳柏宇

陳柏宇太太符曉薇曾在網上呻委屈，力數老公陳柏宇做訪問踩到自己一文不值，還大爆當年結婚「三冇」冇求婚、冇禮金、冇過大禮，陳柏宇為氹番老婆，即打千字文悔過書認衰，夫妻和好如初。