任達華古天樂做財神派現金

影帝任達華與古天樂（古仔）等主演的新片《偵戰》低調開工一個月就宣布殺青，前晚台前幕後雲集酒樓舉行煞科宴，而任達華及古仔更化身財神，掏腰包拿出現金作抽獎，掀起全晚高潮。

任達華昨日受訪謂：「呢套戲台前幕後都拍得好辛苦，差唔多日日踩成16、7個鐘。嗰晚氣氛好好，感覺好似食咗餐團年飯一樣。（你化身財神喎。）古仔、電影公司老闆同我都有攞錢出嚟嘅，抽獎每人最少都有3,000蚊，有幾個搬咗成萬蚊返屋企添，冇所謂啦，最緊要大家開心。」