保錡轉冧菊梓喬恨約女神共餐

ERROR成員吳保錡與女子組合Beanies昨日出席活動，現場大玩平衡波和跨欄運動。Beanies成員張天穎正與歌手ANSONBEAN蜜運中，直認放假時拍拖好重要，又透露將到台灣拍攝團歌MV。

而保錡自言喜歡跑步、羽毛球和游水等運動，小時候鍾愛踢波，更曾考過沙田區港青足球，可惜最終落選。之前鍾情「聲夢小花」鍾柔美的保錡，近日被指轉冧菊梓喬，他直認一直好鍾意對方，曾向公司提議與女神合作：「一齊唱情歌一定好有Feel，同個靚女食飯都特別開心啦！（想約佢食飯？）問吓佢公司同我公司會唔會傾吓個Project先。（唔係傾歌都想約佢食飯？）你哋提議完我都可以大膽啲做呢個新嘗試。」